ചാര്‍ലിയുടെ ഫസ്റ്റ്‌ലുക്ക് പുറത്തിറക്കി

 first look poster for Martin Prakkats Charlie

എബിസിഡിക്ക് ശേഷം ദുല്‍ക്കര്‍ സല്‍മാനെ നായകനാക്കി മാര്‍ട്ടിന്‍ പ്രക്കാട്ട് സംവിധാനം ചെയ്യുന്ന ചാര്‍ലിയുടെ ഫസ്റ്റ്‌ലുക്ക് പുറത്തുവിട്ടു. ഫെയ്‌സ്ബുക്കിലൂടെ ദുല്‍ക്കര്‍ സല്‍മാന്‍ അടക്കമുള്ള സിനിമാ പ്രവര്‍ത്തകരാണ് ഫസ്റ്റ്‌ലുക്ക് പുറത്തുവിട്ടത്. പാര്‍വതിയാണ് ചിത്രത്തിലെ നായിക. സ്‌റ്റൈലിഷ് ലുക്കിലാണ് ദുല്‍ക്കര്‍ സിനിമയിലെന്ന് ചിത്രം സൂചിപ്പിക്കുന്നു. ലുക്ക് കണ്ടതോടെ ആരാധകരെല്ലാം വലിയ ആവേശത്തിലാണ്. ഫന്‍ഡിങ് സിനിമയുടെ ബാനറില്‍ ഷെബിന്‍ ബക്കര്‍, ജോജു ജോര്‍ജ്, മാര്‍ട്ടിന്‍ പ്രക്കാട്ട് എന്നിവര്‍ ചേര്‍ന്നാണ് ചിത്രം നിര്‍മിക്കുന്നത്. തിരക്കഥ ഒരുക്കിയിരിക്കുന്നത് മാര്‍ട്ടിനും ഉണ്ണി ആറും ചേര്‍ന്നാണ്. കഥയും സംഭാഷണവും ഉണ്ണി ആറാണ്. അപര്‍ണ ഗോപിനാഥും ചിത്രത്തില്‍ സുപ്രധാന കഥാപാത്രത്തെ അവതരിപ്പിക്കുന്നു. നെടുമുടി വേണു, സീത, ജോജു ജോര്‍ജ് ,ചെമ്പന്‍ വിനോദ് , ജോയ് മാത്യു , രണ്‍ജി പണിക്കര്‍, കല്‍പന, നീരജ് മാധവ്, ജേക്കബ് ഗ്രിഗറി, രമേഷ് പിഷാരടി തുടങ്ങിയവര്‍ അഭിനയിക്കുന്നു. റഫീക്ക് അഹമ്മദിന്റെ വരികള്‍ക്ക് ഗോപീസുന്ദറാണ് ഈണം പകരുന്നത്.

And here is the first look poster for Martin Prakkats - "Charlie" !!! Hope you all like it 󾌵https://www.facebook.com/CharlieMovieOfficial

Posted by Dulquer Salmaan on Sunday, June 14, 2015


നിര്‍മ്മാണ രംഗത്തേക്ക്

 New step of Nayanthara as a Film producer

തെന്നിന്ത്യയിലെ സൂപ്പര്‍ നായികയായ നയന്‍താര നിര്‍മ്മാണരംഗത്തേക്കും. വിഘ്‌നേശ് ശിവ സംവിധാനം ചെയ്യുന്ന ചിത്രത്തില്‍ അജിത്താണ് നായകന്‍.ആദ്യ ചിത്രത്തിലെ ഹീറോക്ക് ഒരു കോടി രൂപയാണ് നയന്‍സ് ഓഫര്‍ചെയ്തത്. അജിത്തിന്റെ കരിയറിലെ ഏറ്റവും ഉയര്‍ന്ന പ്രതിഫലമാണിത്.
ചിത്രത്തിനായി 40 ദിവസത്തെ കാള്‍ഷീറ്റാണ് അജിത്ത് നല്‍കിയിട്ടുള്ളത്.


ജേക്കബിന്റെ സ്വർഗ്ഗ രാജ്യം' ത്തിലെ ഗാനങ്ങൾ റിലീസ് ചെയ്തു

 Releases The Songs Of 'Jacobinte Swargarajyam'

മലയാള സിനിമ ഇൻഡസ്ട്രിയിലെ പ്രമുഖ മ്യൂസിക് ലേബൽ ആയ Muzik247 (മ്യൂസിക്247), വിനീത് ശ്രീനിവാസൻ സംവിധാനം നിർവഹിച്ച നിവിൻ പോളി ചിത്രം 'ജേക്കബിന്റെ സ്വർഗ്ഗരാജ്യം'ത്തിലെ എല്ലാ ഗാനങ്ങളും റിലീസ് ചെയ്തു.

ചിത്രത്തിലെ "ദുബായ്" എന്ന ഗാനത്തിന്റെ ഓഡിയോ Muzik247 (മ്യൂസിക്247) ഒരു സിംഗിളായി ആദ്യം പുറത്തിറക്കിയിരുന്നു. റിലീസ് ചെയ്ത് ഏതാനും മണിക്കൂറുകൾക്കുള്ളിൽ തന്നെ "ദുബായ്" iTunesന്റെ ഇന്ത്യൻ പ്രാദേശിക ഗാനങ്ങളുടെ പട്ടികയിൽ (iTunes Top 200 Regional Indian) ഒന്നാം സ്ഥാനം നേടി. കഴിഞ്ഞയാഴ്ച റിലീസ് ചെയ്ത "ഈ ശിശിരകാലം" എന്ന ഗാനത്തിന്റെ വീഡിയോക്കും നല്ല പ്രതികരണമാണ് ലഭിക്കുന്നത്.

ചിത്രത്തിലെ അഞ്ചു ഗാനങ്ങൾക്കും സംഗീതം നൽകിയിരിക്കുന്നത് ഷാൻ റഹ്മാനാണ്. വരികൾ രചിച്ചിരിക്കുന്നത് ഹരിനാരായണൻ ബി.കെ., മനു മൻജിത്‌, ആർസീ എന്നിവരും. അതോടൊപ്പം അശ്വിൻ ഗോപകുമാർ രചനയും ആലാപനവും നിർവ്വഹിച്ച "ഹോം" എന്ന ഒരു ഇംഗ്ലീഷ് ഗാനവുമുണ്ട്. അശ്വിനെ കൂടാതെ ഉണ്ണി മേനോൻ, വിനീത് ശ്രീനിവാസൻ, സിതാര, കാവ്യ അജിത്‌, സുചിത് സുരേശൻ, ലിയ വർഗീസ്‌, ആർസീ, മീര ശർമ തുടങ്ങിയവരും പാടിയിട്ടുണ്ട്.

പാട്ടുകളെ കുറിച്ചുള്ള വിശദാംശങ്ങൾ:
1. ഈ ശിശിരകാലം

പാടിയത്: വിനീത് ശ്രീനിവാസൻ & കാവ്യ അജിത്‌
ഗാനരചന: ഹരിനാരായണൻ ബി.കെ.
സംഗീതം: ഷാൻ റഹ്മാൻ

2. തിരുവാവണിരാവ്
പാടിയത്: ഉണ്ണി മേനോൻ & സിതാര (അഡിഷണൽ വോക്കൽസ്: മീര ശർമ)
ഗാനരചന: മനു മൻജിത്‌
സംഗീതം: ഷാൻ റഹ്മാൻ

3. ദുബായ്
പാടിയത്: വിനീത് ശ്രീനിവാസൻ, സുചിത് സുരേശൻ, ലിയ വർഗീസ്‌
ഗാനരചന: മനു മഞ്ജിത്ത്
സംഗീതം: ഷാൻ റഹ്മാൻ

4. എന്നിലെരിഞ്ഞു
പാടിയത്: ആർസീ & സിതാര
ഗാനരചന: ആർസീ
സംഗീതം: ഷാൻ റഹ്മാൻ

5. ഹോം
പാടിയത്: അശ്വിൻ ഗോപകുമാർ
ഗാനരചന: അശ്വിൻ ഗോപകുമാർ
സംഗീതം: ഷാൻ റഹ്മാൻ

പാട്ടുകൾ കേൾക്കാൻ

വിനീത് ശ്രീനിവാസൻ കഥയും തിരക്കഥയും ഒരുക്കി സംവിധാനം ചെയ്യുന്ന 'ജേക്കബിന്റെ സ്വർഗ്ഗരാജ്യം' ദുബായ് പശ്ചാത്തലത്തിൽ കുടുംബബന്ധങ്ങളെ പ്രമേയമാക്കി അവതരിപ്പിക്കുന്നു. നിവിൻ പോളി, രഞ്ജി പണിക്കർ, ശ്രീനാഥ് ഭാസി, ലക്ഷ്മി രാമകൃഷ്ണൻ, സായികുമാർ, ടി ജി രവി, ദിനേശ് പ്രഭാകർ, അശ്വിൻ കുമാർ തുടങ്ങിയവർ താരനിരയിൽ അണിനിരക്കുന്നു. പുതുമുഖം റീബ ജോൺ ആണ് നിവിൻ പോളിയുടെ നായികയായി അഭിനയിക്കുന്നത്. ഛായാഗ്രഹണം ജോമോൻ ടി ജോണും ചിത്രസംയോജനം രഞ്ജൻ എബ്രഹാമുമാണ് നിർവഹിച്ചിരിക്കുന്നത്. Muzik247 (മ്യൂസിക്247) ആണ് ഒഫീഷ്യൽ മ്യൂസിക് ലേബൽ. Big Bang Entertainments (ബിഗ്‌ ബാങ്ങ് എന്റർടൈൻമെൻസ്)ന്റെ ബാനറിൽ നോബിൾ ബാബു തോമസ്‌ നിർമ്മിച്ച 'ജേക്കബിന്റെ സ്വർഗ്ഗരാജ്യം' പ്രദർശനത്തിനെത്തിക്കുന്നത് LJ Films Pvt. Ltd. (എൽ ജെ ഫിലിംസ് പ്രൈവറ്റ് ലിമിറ്റഡ് ) ആണ്.


കമല്‍ ചിത്രത്തില്‍ നിന്നും വിദ്യാബാലന്‍ പിന്മാറി

 vidhya balan has withdrawn from the film kamal

കമല്‍ ചിത്രത്തില്‍ നിന്നും വിദ്യാബാലന്‍ പിന്മാറി. അന്തരിച്ച സാഹിത്യകാരി മാധവികുട്ടിയുടെ ജീവിതത്തെ ആസ്പദമാക്കിയുള്ള കമലിന്റെ പുതിയചിത്രം ആമിയില്‍ നിന്നും നടി വിദ്യാബാലന്‍ പിന്മാറി.

കഥയുമായി ബന്ധപ്പെട്ട അഭിപ്രായവ്യത്യാസമാണ് പിന്മാറ്റത്തിന് കാരണമെന്നാണ് റിപ്പോര്‍ട്ടുകള്‍. സമ്മര്‍ദ്ദമാണ് പിന്മാറ്റത്തിന് കാരണമെന്ന റിപ്പോര്‍ട്ടുകള്‍ അവര്‍ നിഷേധിച്ചു.


വിക്രം, റഹ്മാന്‍, ശങ്കര്‍ കൊച്ചിയില്‍

 vikrams I

ബ്രഹ്മാണ്ഡതമിഴ് ചിത്രം ഐയുടെ പ്രമോഷനായി നടന്‍ വിക്രം സംഗീത സംവിധായകന്‍ എ ആര്‍ റഹ്മാന്‍, സംവിധായകന്‍ ശങ്കര്‍ എന്നിവര്‍ കൊച്ചിയിലെത്തും. അസ്കര്‍ ഫിലിംസിന്റെ ബാനറില്‍ രവിചന്ദ്രന്‍ നിര്‍മ്മിച്ച ചിത്രത്തിന് കേരളത്തി വന്‍ വരവേല്‍പ്പാണ് പിന്നണി പ്രവര്‍ത്തകര്‍ പ്രതീക്ഷിക്കുന്നത്. സുരേഷ് ഗോപി ഈ ചിത്രത്തില്‍ ഒരു നെഗറ്റീവ് കഥാപാത്രത്തെയാണ് അവതരിപ്പിക്കുന്നത്. ടി മുത്തുരാജാണ് കലാസംവിധാനം. പിസി ശ്രീറാം ക്യാമറ. 2012 ല്‍ ചിത്രീകരണം ആരംഭിച്ച ചിത്രത്തിനായി സരേഷ് ഗോപി മാത്രം ഒരു വര്‍ഷത്തെ ഡേറ്റ് നല്‍കിയിരുന്നു. ചെന്നെക്ക് പുറമെ ബാങ്കോക്ക്, ജോദ്പൂര്‍, കൊടൈക്കനാല്‍, പൊള്ളാച്ചി, ബാഗ്ലൂര്‍, മൈസൂര്‍ എന്നിവിടങ്ങളിലായിരുന്നു ചിത്രീകരണം.


രണ്ട് കോടി കാഴ്ചക്കാരുമായി ബാഹുബലി ട്രെയിലര്‍

2crore Views Bahubali 2 Trailer Breaking the Records

ഇന്ത്യന്‍ സിനിമയില്‍ വീണ്ടും ചരിത്രം സൃഷ്ടിക്കുകയാണ് ബാഹുബലി. ബാഹുബലി 2 ട്രെയിലര്‍ ഇറങ്ങി 24 മണിക്കൂറിനുള്ളില്‍ രണ്ട് കോടി ആളുകളാണ് ട്രെയിലറിന്റെ കാഴ്ചക്കാരായത്. ഇന്ത്യന്‍ സിനിമയില്‍ തന്നെ ഇതാദ്യമാണ് ഒരു ട്രെയിലര്‍ ഇത്രത്തോളം തരംഗമാകുന്നത്. ചിത്രത്തിന്റെ തെലുങ്ക് ട്രെയിലറാണ് രണ്ട് കോടി കടന്നത് എന്നതാണ് ശ്രദ്ധേയം. ഏറെ നാളത്തെ കാത്തിരിപ്പുകള്‍ക്ക് ശേഷമാണ് ബാഹുബലിയുടെ ട്രെയിലറെത്തിയത്. പ്രതീക്ഷിച്ചതു പോലെ തന്നെ ആവേശത്തിന്റെ മുള്‍മുനയില്‍ നിര്‍ത്തുന്ന ട്രെയിലറാണ് പുറത്തിറങ്ങിയിരിക്കുന്നത്. തെലുങ്ക്, ഹിന്ദി, തമിഴ്, മലയാളം എന്നീ നാലു ഭാഷകളിലാണ് ട്രെയിലര്‍ പുറത്തിറക്കിയത്.

ബ്രഹ്മാണ്ഡ ചിത്രമെന്ന പേരിനു യോജിച്ച രീതിയില്‍ തന്നെയാണ് ട്രെയിലര്‍ ഒരുക്കിയിരിക്കുന്നത്. എന്നാല്‍, ട്രെയിലര്‍ കണ്ടുകഴിയുമ്പോള്‍ ആരാധകരുടെ മനസ്സില്‍ ചില ചോദ്യങ്ങള്‍ ബാക്കിയാവും. ആ ചോദ്യങ്ങള്‍ക്ക് ഉത്തരം കിട്ടാന്‍ ഏപ്രില്‍ 28 വരെ കാത്തിരിക്കണമെന്ന് മാത്രം.


ജ്യോതിക വരുന്നു, മുപ്പത്തിയാറ് വയതിനിലേ

36 Vayadhinile first look poster

ഹൗ ഓള്‍ഡ് ആര്‍ യൂ തമിഴ്പതിപ്പിന് 36 വയതിനിലേ എന്ന് പേരിട്ടു. പതിനാറ് വയതിനിലേ എന്ന കമല്‍ഹാസന്‍ ചിത്രത്തെ അനുസ്മരിപ്പിക്കുന്നതാണ് റോഷന്‍ ആന്‍ഡ്രൂസ് ജ്യോതികയെ നായികയാക്കി തമിഴില്‍ ഒരുക്കുന്ന ചിത്രത്തിന്റെ പേര്. ലോക വനിതാ ദിനത്തില്‍ ചിത്രത്തിന്റെ ആദ്യലുക്ക് പുറത്തുവിട്ടു. സൂര്യയുമായുള്ള വിവാഹ ശേഷം ജ്യോതിക ഏഴ് വര്‍ഷത്തിന് ശേഷം ജ്യോതിക അഭിനയരംഗത്തേക്ക് മടങ്ങിയെത്തുന്ന ചിത്രമാണിത്. 2ഡി എന്റര്‍ടെയിന്‍മെന്റിന്റെ ബാനറില്‍ സൂര്യ തന്നെയാണ് നിര്‍മ്മിക്കുന്നത്. റഹ്മാനാണ് മലയാളത്തില്‍ കുഞ്ചാക്കോ ബോബന്‍ അവതരിപ്പിച്ച കഥാപാത്രമായി തമിഴില്‍ എത്തുന്നത്. സൂര്യ തന്റെ ട്വിറ്റര്‍ പേജിലൂടെയാണ് പ്രിയപത്‌നി ജ്യോതികയുടെ തിരികെവരവ് ചിത്രത്തിന്റെ ആദ്യ പോസ്റ്റര്‍ പുറത്തുവിട്ടത്. അഭിരാമിയും ചിത്രത്തിലുണ്ട്. ബോബി-സഞ്ജയ് കുട്ടുകെട്ടിന്റെ തിരക്കഥയില്‍ പതിനാല് വര്‍ഷത്തിന് ശേഷം മഞ്ജു വാര്യര്‍ ക്യാമറയ്ക്ക് മുന്നിലേക്ക് തിരിച്ചെത്തിയ ഹൗ ഓള്‍ഡ് ആര്‍ യൂ മലയാളത്തില്‍ വന്‍ ഹിറ്റായിരുന്നു.


ആദിയായി പ്രണവ് മോഹന്‍ലാല്‍, ഫസ്റ്റ് ലുക്ക് പോസ്റ്റര്‍ പുറത്തിറക്കി 

Aadi pranav mohanlal first look poster

പ്രണവ് മോഹന്‍ലാല്‍ നായകനാകുന്ന ആദിയുടെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. തിരുവനന്തപുരത്ത് നടന്ന ചടങ്ങില്‍ മോഹന്‍ലാലും സുചിത്രയും മകള്‍ വിസ്മയയും പങ്കെടുത്തു. ചിത്രത്തിന്റെ പൂജയും നടന്നു. പ്രണവും ലാലും ചേര്‍ന്നാണ് തിരി തെളിച്ചു. ചില കള്ളങ്ങള്‍ മാരകമായേക്കുമെന്നാണ് ചിത്രത്തിന്റെ ടാഗ് ലൈന്‍. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂർ നിര്‍മ്മിക്കുന്ന ഈ ചിത്രം സംവിധാനം ചെയ്യുന്നത് ജിത്തു ജോസഫാണ്.

ചടങ്ങിൽ മോഹന്‍ലാലിനെ നായകനാക്കി വി. എ.ശ്രീകുമാര്‍ മേനോന്‍ സംവിധാനം ചെയ്യുന്ന ചിത്രമായ ഒടിയന്റെ പൂജയും നടന്നു. ലാല്‍ ജോസിന്റെ മോഹന്‍ലാല്‍ ചിത്രമായ വെളിപാടിന്റെ പുസ്തകത്തിന്റെ ടീസറും പുറത്തിറക്കി.


ബഹിരാകാശ സഞ്ചാരിയാകാന്‍ ആമിര്‍

Aamir Khans next on Rakesh Sharma to be titled Salute

ബഹിരാകാശ സഞ്ചാരിയായ ആദ്യ ഇന്ത്യക്കാരന്‍ രാകേഷ് ശര്‍മ്മയുടെ ജീവിതം സിനിമയാകുന്നു. സല്യൂട്ട് എന്ന് പേരിട്ടിരിക്കുന്ന ചിത്രത്തില്‍ ആമിര്‍ ഖാനാണ് നായകനാകുന്നത്. പരസ്യ ചിത്രങ്ങളിലൂടെ പ്രശസ്തനായ മഹേഷ് മത്തായിയാണ് ചിത്രത്തിന്റെ സംവിധായകന്‍.

റഷ്യന്‍ ബഹിരാകാശ സഞ്ചാരികളായ യൂറി മലിഷെവ്, ഗെന്നടി സ്ട്രെക്കലോവ് എന്നിവരോടൊപ്പം രാകേഷ് ശര്‍മ്മ എട്ട് ദിവസത്തോളം ബഹിരാകാശത്ത് ചെലവിട്ടതാണ് ചിത്രത്തിന്റെ പ്രമേയം. സിദ്ധാര്‍ത്ഥ് റോയ് കപൂറും ആമിര്‍ ഖാനും ചേര്‍ന്നാണ് ചിത്രം നിര്‍മ്മിക്കുന്നത്.


മള്‍ട്ടിസ്റ്റാര്‍ ചിത്രവുമായി കണ്ണന്‍ താമരക്കുളം.

Achayans on the way with Jayaram Unni Mukundan and Prakash Raj

ആടുപുലിയാട്ടത്തിനു ശേഷം കണ്ണന്‍ സംവിധാനം ചെയ്യുന്ന അച്ചായന്‍സില്‍ അഞ്ച് നായകന്‍മാരാണുള്ളത്. ജയറാം പ്രകാശ് രാജ് ഉണ്ണി മുകുന്തന്‍ ഗ്രിഗറി അദില്‍ ഇബ്രാഹിം എന്നിവരാണ് നായകന്‍മാരാകുന്നത്.

ചിത്രത്തിന്റെ ഷൂട്ടിംഗ് ഒക്ടോബര്‍ അവസാനവാരം ഫോര്‍ട്ട് കൊച്ചിയില്‍ ആരംഭിക്കും. സേതുവിന്റേതാണ് തിരക്കഥ. ക്യാമറ പ്രദീപ് നായരാണ്. സംഗീതം രതീഷ് വേഗ. ഏറെക്കാലത്തെ ഇടവേളക്കു ശേഷമാണ് പ്രകാശ് രാജ് മലയാളത്തിലെത്തുന്നത്.


ബോക്സ്ഓഫീസ്

റോസാപ്പൂവുമായി ബിജുമേനോന്‍ എത്തുന്നു

റോസാപ്പൂവുമായി ബിജുമേനോന്‍ എത്തുന്നു

ബിജു മേനോനെ നായകനാക്കി വിനു ജോസഫ് സംവിധാനം ചെയ്യുന്ന റോസാപ്പൂ എന്ന ചിത്രത്തിന്റെ മോഷന്‍ ടൈറ്റില്‍ പോസ്റ്റര്‍ പുറത്ത്. കഥയും തിരക്കഥയും ഒരുക്കിയിരിക്കുന്നതും...

വെളിപാടിന്റെ പുസ്തകം ഓണത്തിനെത്തുന്നു

വെളിപാടിന്റെ പുസ്തകം ഓണത്തിനെത്തുന്നു

സൂപ്പർ താരം മോഹന്‍ലാലിനെ നായകനാക്കി ലാല്‍ജോസ് ആദ്യമായി അണിയിച്ചൊരുക്കുന്ന വെളിപാടിന്റെ പുസ്തകം എന്ന ചിത്രത്തിന്റെ ചിത്രീ കരണം പൂര്‍ത്തിയായി. ഈ വരുന്ന...

ആസിഫ് അലി ചിത്രം സണ്‍ഡെ ഹോളിഡെ   അന്യഭാഷകളിലേക്ക്

ആസിഫ് അലി ചിത്രം സണ്‍ഡെ ഹോളിഡെ അന്യഭാഷകളിലേക്ക്

ആസിഫ് അലിയും അപര്‍ണാ ബാലമുരളിയും പ്രധാന വേഷത്തിലെത്തിയ സണ്‍ഡെ ഹോളിഡെ എന്ന ചിത്രം തമിഴ്, തെലുങ്ക് ഭാഷകളിലേക്ക് മൊഴിമാറിയെത്തുന്നു. മലയാളത്തിൽ ചിത്രത്തിന്റെ...

അവൾക്കൊപ്പം; രമ്യാനമ്പീശന്‍

അവൾക്കൊപ്പം; രമ്യാനമ്പീശന്‍

യുവനടി ആക്രമിക്കപ്പെട്ട കേസില്‍ ദിലീപിനെ അറസ്റ്റ് ചെയ്തതിനെ തുടര്‍ന്ന് ആക്രമണത്തിനിരയായ നടിക്ക് പൂർണപിന്തുണയറിയിച്ചുകൊണ്ട് അടുത്ത സുഹൃത്തും നടിയുമായ...

ചോദ്യം ചെയ്യലിനിടെ ദിലീപ് പൊട്ടിക്കരഞ്ഞു

ചോദ്യം ചെയ്യലിനിടെ ദിലീപ് പൊട്ടിക്കരഞ്ഞു

യുവനടിയെ ആക്രമിച്ച കേസിൽ അറസ്റ്റിലായ നടൻ ദിലീപ് ചോദ്യംചെയ്യലിനിടെ ഒരു ഘട്ടത്തില്‍ പൊട്ടിക്കരഞ്ഞതായി റിപ്പോർട്ട്. മകളെയും കുടുംബാംഗങ്ങളെയും കാണണമെന്ന് ആവശ്യ...

തളത്തില്‍ ദിനേശനായി നിവിന്‍, ശോഭയായി നയന്‍താര, സംവിധാനം ധ്യാന്‍ ശ്രീനിവാസന്‍ 

തളത്തില്‍ ദിനേശനായി നിവിന്‍, ശോഭയായി നയന്‍താര, സംവിധാനം ധ്യാന്‍ ശ്രീനിവാസന്‍ 

വടക്കുനോക്കിയന്ത്രത്തിലെ തളത്തില്‍ ദിനേശനും ശോഭയും വീണ്ടും സ്ക്രീനിലേക്ക്. ധ്യാന്‍ ശ്രീനിവാസന്‍ ആദ്യമായി സംവിധാനം ചെയ്യുന്ന ലൗ ആക്ഷന്‍ ഡ്രാമ എന്ന...

ആദിയായി പ്രണവ് മോഹന്‍ലാല്‍, ഫസ്റ്റ് ലുക്ക് പോസ്റ്റര്‍ പുറത്തിറക്കി 

ആദിയായി പ്രണവ് മോഹന്‍ലാല്‍, ഫസ്റ്റ് ലുക്ക് പോസ്റ്റര്‍ പുറത്തിറക്കി 

പ്രണവ് മോഹന്‍ലാല്‍ നായകനാകുന്ന ആദിയുടെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. തിരുവനന്തപുരത്ത് നടന്ന ചടങ്ങില്‍ മോഹന്‍ലാലും സുചിത്രയും മകള്‍ വിസ്മയയും...

'ജീവനില്‍ പേടിയുള്ള ഒരുത്തനും എന്‍റെ മുന്നില്‍ കയറി വരണ്ട';  രാമലീലയുടെ ടീസര്‍ കാണാം 

'ജീവനില്‍ പേടിയുള്ള ഒരുത്തനും എന്‍റെ മുന്നില്‍ കയറി വരണ്ട'; രാമലീലയുടെ ടീസര്‍ കാണാം 

ദിലീപ് നായകനാവുന്ന രാമലീലയുടെ ആദ്യ ടീസര്‍ പുറത്തിറങ്ങി. നവാഗതനായ അരുണ്‍ഗോപി സംവിധാനം ചെയ്യുന്ന പൊളിറ്റിക്കല്‍ ത്രില്ലർ ചിത്രമാണ് രാമലീല. രാമനുണ്ണിയെന്ന...

അന്‍വര്‍‌ റഷീദ് ഫഹദ് ഫാസില്‍ കൂട്ടകെട്ടിലെ  ട്രാന്‍സിന്റെ ഫസ്റ്റ് ലുക്ക് പുറത്ത്

അന്‍വര്‍‌ റഷീദ് ഫഹദ് ഫാസില്‍ കൂട്ടകെട്ടിലെ ട്രാന്‍സിന്റെ ഫസ്റ്റ് ലുക്ക് പുറത്ത്

ഫഹദ് ഫാസിലിനെ നായകനാക്കി അന്‍വര്‍ റഷീദ് സംവിധാനം ചെയ്യുന്ന ചിത്രമായ 'ട്രാൻസ്' ന്റെ ആദ്യ ലുക്ക് പോസ്റ്റര്‍ പുറത്ത്. അന്‍വര്‍ റഷീദ് എന്‍റര്‍ടെയ്ന്‍മെന്‍റിന്‍റെ...


359 News Items found. Page 1 of36